Сиздердин №366, 27 июль 2011-жылы жазган катыныздарды агенттик карап чыгып, төмөнкүлөрдү билдирет. Адам Укуктары боюнча даректүү тасма фестивалынын Кыргызстанда өткөрүлүүсү-бул кинематография жаатында абдан маанилүү окуя деп эсептейбиз. Мамлекеттик Агенттик бул иш чаранын негизги бөлүгүн өткөрүүгө өз колдоосун көрсөтөт.

Үстүбүздөгү жылдын 27-сентябрдан 2-октябрга чейин фестивалдын негизги программасы «Манас» кинотеатрында өткөрүлөт. Ал эми айрым программалар үчүн агенттик тарабынан Ч Айтматов атындагы Кино Үйүнүн кинозалы жана Т.Океев атындагы Улуттук «Кыргызфильм» киностудиясынын эталон залы берилмекчи.

Фестивалдын алкагында тартууланган тасмаларды Республикабыздын аймактарында көрсөтүү үчүн кинотеатрлар менен камсыз кылынат.
Ошондой эле, Кыргызстандын кинематографисттер бирдиги, чет-өлкөлүк кинематографисттер, фестивалдын коноктору жана катышуучулары менен Кино Үйүндө жолугушууну пландаштырууда.